世界上總係存在住兩極
有d人隻機未掂地 門都未開就已經想好似特別行動組咁起身跳機
然後係地下碌兩碌.... 跟住唔郁
有d人呢 明明望住全機人走晒 仲留係個位度不動如山
係... 你落寞嘅孤影同密集嘅機艙座位的確構成左一幅唯美嘅藝術照
但係你另過黎望下我地~ 我地黑面個樣都構成左一幅鍾馗食鬼圖架~
過黎睇下你係迷以為可以搭回頭機過返海
定還是又斯德哥爾摩症候群發作 愛上張蹂躝左你咁多個鐘嘅飛機凳啦
丫diu丫! 你同我hea到成枱都係野係度換sim card?!
不如貼埋芒貼 上埋台先哩好冇?
一係呢就而家先係度摷護照填入境卡
太遲喇... 夠鐘交卷喇... 落去大堂罰企啦...
更絕嘅就係等到佢終於肯擺駕
點知行到咁上下突然一個假動作棄gap潛逃衝入廁所
都唔知佢突然內急定肚餓
阻人收工唔係又要我入黎燒你袋下嘛...
你地扯啦好冇...
我地唔係前舖後居 一陣就可以返入後台淥個麵睇東張西望架
之後一係就要繼續開工 一係就仲要搭多程車去酒店/返屋企抖架
你地都係扯吧啦...
你睇下人地本來坐輪椅嘅都突然間受到感召 行得快過你喇
你睇下個女人頭先明明話自己弱質纖纖放唔到行李上櫃架
而家當兩個gap係流星槌咁撞開晒d客落左機喇
你地扯啦... 我唔想搞大件事啊.... 一陣飛機又多個鬼故就大家都唔好啦...
Search